Ոլորտներ

Կորպորատիվ իրավունք

Կորպորատիվ իրավունքի հետ կապված իրավաբանական ծառայությունները մատուցվում են աշխատանքի մեծ փորձ ունեցող բարձրակարգ մասնագետների կողմից։ Մեր գրասենյակի կորպորատիվ իրավաբանները յուրաքանչյուր հաճախորդի խնդրին ցուցաբերում են անհատական մոտեցում` հաշվի առնելով այն տնտեսական նպատակը, որն իր առջև դրել է հաճախորդը։
Կորպորատիվ իրավունքի ոլորտում, մասնավորապես, մեր գրասենյակը մատուցում է հետևյալ ծառայությունները․

Կորպորատիվ իրավունքի հետ կապված հարցերի ամբողջական շրջանակի վերաբերյալ խորհրդատվություն․
Հաճախորդների փաստաթղթերի ուսումնասիրություն, ընկերության ընթացիկ իրավական վիճակի վերլուծություն․
Տարբեր կազմակերպաիրավական ձևերի իրավաբանական անձանց և պետական կազմավորումների (դուստր ընկերություններ, ասոցիացիաներ, տնտեսական ընկերակցություններ, կոոպերատիվներ, հիմնադրամներ, հասարակական կազմակերպություններ) հիմնադրում, լուծարում և վերակազմակերպում․
Մասնաճյուղերի և ներկայացուցչությունների հիմնադրում.
Կանոնադրական կապիտալի ավելացման կամ նվազեցման իրավաբանական ուղեկցում.
Բաժնետոմսերի կոնսոլիդացիայի և բաժանման հարցերում իրավաբանական աջակցություն.
M&A գործարքների մշակում․
Ընկերությունների միաձուլման, միացման, առանձնացման, բաժանման և վերակազմավորման, բաժնեմասերի հետ կապված գործարքների (այդ թվում՝ առուվաճառք, բաժնետոմսերի գրավ և այլն) փաստաթղթերի ամբողջական փաթեթի պատրաստում․
Կորպորատիվ փաստաթղթերի կազմում (հիմնադիր պայմանագրեր, կանոնադրություններ, բաժնետերերի համաձայնագրեր և այլն).
Կորպորատիվ հարցերով իրավաբանական ուսումնասիրություններ (due diligence), ընկերությունների ընթացիկ գործունեության վերաբերյալ, ինչպես նաև օրենսդրության պահանջների պահպանման վերաբերյալ խորհրդատվություն.
Կորպորատիվ հարցերով հուշագրերի, իրավաբանական եզրակացությունների կազմում, բանակցություններ հաճախորդի անունից և առևտրային գործարքների քննարկում:

Մեր իրավաբաններն իրենց հաճախորդներին աջակցում են նաև դատական կարգով կորպորատիվ վեճերը լուծելիս։ Մենք պատրաստում ենք դատավարական փաստաթղթերը և հարկ եղած դեպքում հաճախորդի անունից մասնակցում ենք դատավարությանը։ Մեր հիմնական սկզբունքը հաճախորդների հետ աշխատելիս անկեղծ, բաց և գրագետ լինելն է։