Մեր թիմը

Արտաշես Կակոյանը «Ինվեսթմնթ Լո Գրուպ» ՍՊԸ տնօրենն է, և հիմնադրել է ընկերությունը 1999թ.:

 

Նա իրավաբանական խորհրդատվություն է տրամադրում տեղական և արտասահմանյան հանրահայտ ընկերություններին գործարարական գործունեության տարբեր ոլորտներում, այդ թվում` առևտրային գործարքների, կորպորատիվ հարաբերությունների, հանքարդյունաբերության, էներգետիկայի, հեռահաղորդակցության, ջրային հարաբերությունների և այլ հարցերով:

 

Պարոն Կակոյանը, մասնավորապես, մեծ փորձ ունի խոշոր կազմակերպությունների պատվերով տարբեր պայմանագրերի կազմման, իրավաբանական եզրակացությունների տրամադրման ոլորտում, ինչպես նաև մասնակցել է մի շարք օրենքների նախագծերի մշակման աշխատանքներին, ինչպիսիք են ՀՀ ընդերքի մասին օրենսգիրքը, «Էլեկտրոնային հաղորդակցության մասին» ՀՀ օրենքը, «Առևտրային արբիտրաժի մասին» ՀՀ օրենքը և այլն:

 

- Ներկայացրել է Հայաստանի Հանրապետության նախագահին ՀՀ դատարաններում և ՀՀ կենտրոնական ընտրական հանձնաժողովում 2003թ. նախագահական ընտրությունների հետ կապված:

- Ներկայացրել է Հայաստանի Հանրապետության շահերը Անգլիայի Բարձր դատարանում:

- Խորհրդատվություն է տրամադրել Lydian International, Fortune Resources և այլ ընկերությունների` հանքարդյունաբերության ոլորտում ներդրումային ծրագրերի վերաբերյալ:

- Ներկայացրել է «Զանգեզուրի պղնձամոլիբդենային կոմբինատ» ՓԲԸ շահերը «Լեռ-Էքս» ՍՊԸ բաժնեմասի ձեռք բերման գործարքում:

- Ներկայացրել է ՀՀ կառավարությանը «Որոտանի հիդրոէլեկտրակայանների համալիր» ՓԲԸ գույքի օտարման գործարքում:

- Խորհրդատվություն է տրամադրել «Տաշիր» ընկերությունների խմբին «Հայաստանի էլեկտրական ցանցեր» ՓԲԸ բաժնետոմսերի ձեռքբերման վերաբերյալ:

- Ղեկավարել է ՀՀ ընդերքի մասին օրենսգրքի նախագիծը մշակող իրավաբանների թիմը և համակարգել տարբեր պետական մարմինների հետ անցկացվող քննարկումները:

- Խորհրդատվություն է տրամադրել Հանրային ծառայությունները կարգավորող հանձնաժողովին հեռահաղորդակցության, ջրային հարաբերությունների, մատուցվող ծառայությունների մոնիտորինգի վերաբերյալ օրենսդրության մշակման հետ կապված:

- Մասնակցել է քաղաքային ջեռուցման համակարգի ոլորտում օրենսդրական ակտերի նախագծերի մշակմանը:

- Խորհրդատվություն է տրամադրել Համաշխարհային բանկին «Հայաստան. բնական գազի մատակարարման և օգտագործման կանոնների նախագծի մշակում» ծրագրով և զեկույց է պատրաստել կանոնների նախագծի ուսումնասիրման արդյունքով` քաղաքային ջեռուցման ծրագրի նախապատրաստման նպատակով:

-  SETA Corporation-ի հետ համագործակցությամբ մասնակցել է «Տեխնիկական աջակցություն Հայաստանի հեռահաղորդակցության ոլորտին – աջակցություն Հայաստանին» ծրագրին` ոլորտի ազատականացման նպատակով:

- Մասնակցել է «Հեռահաղորդակցության մասին» ՀՀ օրենքի և համապատասխան կանոնակարգի նախագծերի մշակմանը, խորհրդատվություն է տրամադրել կարգավորող մարմնին` նոր մարմնի գործունեության ամրապնդման և շուկայի ազատականացման վաղ փուլում ծագող խնդիրների լուծման նպատակով (USAID-ի ծրագիր):

- Իրավաբանական եզրակացություններ է տրամադրել Ansett Worldwide Aviation Netherlands B.V. ընկերության և «Արմավիա» ավիաընկերության միջև օդանավի լիզինգի գործարքով:

- Ջրային տնտեսության պետական կոմիտեի և ջրամատակարարման ու ջրահեռացման օտարերկրյա օպերատորի համար մշակել է խորհրդատվական ծառայությունների մատուցման պայմանագրի նախագիծ` ջրամատակարարման և ջրահեռացման ծառայությունների մատուցումը տեղական ընկերություններին փոխանցելու նպատակով:

- Հանդիսացել է ՀՀ կառավարության` մասնավորեցման հարցերով միջազգային խորհրդատու Raiffeisen Investment AG-ի տեղական իրավախորհրդատուն էլեկտրաէներգիայի ոլորտում Հայաստանի չորս բաշխիչ ընկերությունների մասնավորեցման ծրագրով և մշակել է իրավաբանական փաստաթղթերի փաթեթը:

- Մասնակցել է «Առևտրային արբիտրաժի մասին» ՀՀ օրենքի նախագծի (UNCITRAL-ի մոդելային օրենքի հիման վրա), «Շարժական գույքի կադաստրի վարման, շարժական գույքի գրավի իրավունքի, լիզինգի պայմանագրով վարձակալության իրավունքի գրանցման մասին» ՀՀ օրենքի նախագծի և այլ նորմատիվ իրավական ակտերի նախագծերի մշակման աշխատանքներին:

 

Մասնագիտական անդամակցություն

 

ՀՀ առևտրաարդյունաբերական պալատին կից մշտապես գործող արբիտրաժային հաստատության նախագահ

ՀՀ փաստաբանների պալատի անդամ

Հայաստանի իրավաբանների միության անդամ

 

Նախկին փորձը

 

Մինչև 1999թ. «Ինվեսթմնթ Լո Գրուպը» հիմնադրելն աշխատել է որպես իրավախորհրդատու Հայաստանի և Ռուսաստանի տարբեր ընկերություններում

 

Կրթություն

 

Հայաստանի գիտությունների ազգային ակադեմիա, ի.գ.թ. 2008թ.

Հայաստանի ամերիկյան համալսարան, LL.M., 1998թ.

Մոսկվայի միջազգային հարաբերությունների պետական ինստիտուտ (МГИМО) , 1995թ.

Երևանի պետական համալսարանի իրավաբանական ֆակուլտետ, 1989թ.